O Concello de Vigo comeza a instalar  na cidade un total de 100 contedores de residuos orgánicos con apertura a través da tarxeta PassVigo, que funciona con tecnoloxía contactless, que permite, entre outros, unha apertura mais sinxela que co antigo pedal e garante o seu correcto uso, destinado só a residuos orgánicos.

Estas unidades están destinadas á fracción orgánica, incluíndo restos de alimentos como froitas, verduras, carne ou peixe cociñados ou cascas de ovo, así como tapóns de cortiza, panos de mesa de papel, infusións ou pequenos restos vexetais. Súmanse aos 69 implantados na experiencia piloto realizada en Coia e Navia no ano 2020.