A conselleira de Política Social e Xuventude, Fabiola García, destacou esta semana o traballo que realiza a Asociación Española contra o Cancro (AECC) na loita contra esta enfermidade e no apoio aos doentes e familiares. Fíxoo nunha visita á nova sede da asociación en Pontevedra, situada na rúa Eduardo Pondal.

Este novo local conta con diferentes espazos destinados a salas de reunións, de atención psicolóxica, de fisioterapia ou logopedia, entre outras dependencias. A sede acollerá tamén actividades e obradoiros dirixidos a pacientes e familiares.