A Agrupación Socialista de Salceda de Caselas celebrará o luns 1 de maio ás 19:00 horas no auditorio municipal o acto de presentación da candidatura ás eleccións municipais do 28 de maio.

No acto de presentación intervirán o concelleiro Rubén González Coto, número 2 da candidatura, o alcalde de Tui Enrique Cabaleiro e a presidenta da Deputación de Pontevedra Carmela Silva.

A lista encabezada pola actual alcaldesa Verónica Tourón estará conformada no seus primeiros postos polas persoas que a acompañaron nesta lexislatura no goberno o concelleiro de Deportes, Medio Ambiente e Medio Rural Rubén González e a concelleira de Ensino, Benestar Social e Sanidade Ángela Ledo. Incorpora tamén ao seu xefe de gabinete Francisco Javier Osorno.

No resto da lista están representadas o centro e todas as parroquias de Salceda. Un equipo de persoas con capacidade de xestión e compromiso con Salceda.

Verónica Tourón: “Estou moi satisfeita co equipo de persoas que me acompañan neste camiño, afrontando esta etapa con ilusión e co obxectivo de seguir desenvolvendo o proxecto socialista comezado nesta lexislatura. Convido a toda a veciñanza a acompañarnos nun día moi especial para nos e a coñecer este equipo de mulleres e homes que dan un paso adiante para mellorar Salceda”