A tarde-noite de deporte en Nigrán abríase cas carreiras dos nenos e nenas, con distintas categorías e distancias.

A madriña do evento, Teresa Portela, facía un breve quecemento con todos eles antes de cada saída. A canguesa, coma sempre derrochou simpatía, facendo divertida a impaciente espera dos xóvenes atletas.
Durante máis de cincoenta minutos os familiares  e curiosos poideron ver as “fazañas” dos peques, e xa non tan peques.

21.30 horas, a saída das carreiras de 5000 e 10000 metros que compartían circuíto a carón de Praia América. A diferencia é que na distancia longa terían que realizar dúas voltas.

Nos prolegómenos fotos para as medallistas olímpicas Susana Rodríguez e Teresa Portela, as que inda lles quedan xornadas de gloria.

Na prova longa, Dani Bargiela, voltou a confirmar que se atopa nun gran momento de forma. O pontareá, logo dun par de anos de continúas lesións, e a pesar de ir cumprindo anos, segue a ter moita calidade.

Marcou o seu ritmo dende o inicio, e no paso dos cinco mil era clara a súa avantaxe, que confirmaría na liña de chegada, cun tempo de 32.54. Outro “vello” rockeiro, Rubén Pereira - Fisioterapia San Lázaro - era segundo con 34.04; mentras Javier Conde, do C.A.R. Marisqueiro, paraba o crono en 34.40.

 
A historia repetiríase no apartado feminino coa victoria de Sofia Freaza, que na metade da competición xa tiña a suficiente avantaxe sobre as súas perseguidoras. Victoria, con menos de 40 minutos para a atleta do Comesaña, 39.27 exactamente. Soledad Leiro, a segunda clasificada, chegaba a case un minuto de diferencia, 40.25 para a competidora do San Miguel de Marín.

O bronce finalmente para Laura Gallego do Delikia con 41.43.

A carreira dos 5 kilómetros contou ca presenza, e claro triunfo de Susana Rodríguez, que viña facer un test, antes da importante cita do Campionato do Mundo de Triatlón. A viguesa estaba satisfeita co seu rexistro de 18.50, e da compenetración co seu guía. Noemí Álvarez e Julia Savado a acompañaron no podio.

Pola súa banda, gran carreira do xové Roque González, con 16.08; con 16.08 non daba oportunidade a Sergio Fernández e Pablo Alonso.

Ca entrega de premios finais,  ben entrada a noite, puñase punto e final a VII Carreira Nocturna Nigrán S4, que este ano batía novo record de participantes.