No museo do Prado, un científico percorre coa vista a escultura do Diadúmeno de Policleto; na súa anatomía pode ler unha historia evolutiva de sete millóns de anos. Na sala contigua hai outra algo máis tardía que mostra a figura espida da Venus do golfiño, o canon helenístico da beleza feminina. O científico aprecia as diferenzas entre ambos e pregúntase polo seu significado.

A partir da observación do corpo humano a través da arte e do seu coñecemento como paleontólogo, Juan Luís Arsuaga convídanos a descubrir de forma sinxela e amena as marabillas que o compoñen e como e por que evolucionaron ao longo dos séculos. Coa súa mirada lúcida, divertida e enxeñosa viaxaremos ao pasado para achegarnos a ese gran descoñecido, o noso corpo. Porque todas e cada unha dos seus partes son un prodixio da evolución.