A delegada territorial da Xunta de Galicia en Vigo, Ana Ortiz, mantivo o pasado  venres unha xuntanza de traballo coa alcaldesa de Mos, Nidia Arévalo, dentro das reunións previstas con todos os rexedores da área.

A representante autonómica xa mantivo anteriormente encontros cos máximos responsables municipais de Baiona, Cangas, Moaña e O Porriño despois de dirixirse por carta a todos os alcaldes da área territorial para poñer en común as súas axendas e fixar o antes posible unha xuntanza de traballo.

Ademais da cidade de Vigo, o ámbito da área territorial abarca os municipios de Cangas, Moaña, Soutomaior, Fornelos, Pazos de Borbén, Redondela, Nigrán, Baiona, Gondomar, Mos, O Porriño, Salceda de Caselas e Salvaterra de Miño.