A Xunta activará servizos de autobús especiais os vindeiros 5 e o 6 de agosto para a Festa do Albariño de Cambados.

Nas madrugadas do sábado, día 5, e do domingo, día 6, habilitaranse dous servizos para o regreso desde Cambados cara a Pontevedra que sairán ás 07,00 e ás 08,35 horas.

Estes servizos realizarán un traxecto directo, sen paradas intermedias entre as dúas localidades.

A Xunta, coa posta en marcha destes servizos especiais, quere facilitar mellores alternativas de viaxe en transporte público, de xeito que se reduzan os riscos da condución nocturna despois de xornadas de lecer, se diminúa o tráfico e con iso o impacto ambiental.

Os menores de 21 anos poderán viaxar gratis empregando a tarxeta Xente Nova, ao igual que fan en todos os autobuses da Xunta. Os demais usuarios do transporte público da Xunta poderán beneficiarse dos descontos da tarxeta TMG.
 

A información dos horarios dos servizos e as súas paradas poderán ser consultadas na web www.bus.gal.