Todo está listo para recibir este sábado o público no recinto amurallado de Salvaterra de Miño. A pasada semana a alcaldesa de Salvaterra de Miño, Marta Valcárcel, e a concelleira de Cultura, Lorena Soto, mantiveron unha reunión con Garda Civil, Policía e Gardas Xurado para organizar o operativo do evento. Tal e como salientou Marta Valcárcel “trátase dunha festa que crece cada edición e que require especial adicación para garantir a seguridade do público asistente”. Por todo iso, coordinanse ós equipos de seguridade, voluntarios e sanitarios ante calquera situación posible, cun protocolo activo en casos de acoso.

O Son da Muralla xa é un referente en Galicia posto que é o festival dj máis grande ó aire libre. O pasado ano foron 13.000 as persoas que se achegaron ata o recinto e prevese que nesta edición o festival continúe crecendo. O elenco de artistas fórmano DaniJay, DJ Charlie, Jorge Álvarez, DJ Canhon, Floorfilla, Marsal Ventura e Sara Santini nun espectáculo con entrada gratuíta no que haberá 6 pantallas retransmitindo en directo ademais de 66.000 vatios de son e 70.000 de luz.