O presidente da Deputación de Pontevedra, Luis López, refrendou este xoves o seu apoio ao sector pesqueiro e do marisqueo da provincia nun encontro co presidente da Federación Provincial de Confrarías de Pescadores, José Manuel Rosas, e co vicepresidente primeiro da mesma entidade, Juan Manuel Gregorio Vaqueiro; que tivo lugar no Pazo provincial.

O encontro serviu para estreitar lazos entre ambas as entidades e manifestar, por parte do presidente Luis López, a súa predisposición para colaborar en asuntos de interese co sector pesqueiro e marisqueiro da provincia. Durante este encontro ambas as partes valoraron os apoios ao sector produtivo da pesca e do marisqueo da provincia de cara ao ano 2024.