Desde o Concello de Mos infórmase de que, debido á choiva pronosticada para o próximo domingo 17 de setembro, aprázase o 1º Mercado Aberto 'Queda en Mos’ programado orixinalmente para esa data.

Deste xeito, co aprazamento, preténdese garantir que este evento sexa unha experiencia o máis agradable, fructífera, confortable e divertida tanto para público e visitantes, como para expositores, comerciantes e artistas convidados.

Nova Data

O 1º Mercado Aberto 'Queda en Mos' levarase a cabo o domingo 1 de outubro no mesmo lugar e horario previamente anunciados.

Este evento representa unha oportunidade única para destacar o talento e a diversidade dos nosos comerciantes locais e profesionais, e desde a organización do mesmo manifestan o total compromiso en ofrecer unha experiencia excepcional para todos os visitantes.