O Concello de Salvaterra de Miño “mantén o seu compromiso coa ampliación e mellora da rede de saneamento no municipio, e as obras en Pesqueiras son un claro exemplo deste esforzo continuo” asegura nun comunicado. Estas actuacións forman parte do Plan Concellos da Deputación de Pontevedra e teñen como obxectivo principal seguir expandindo e reforzando o servizo de saneamento ofrecido ás veciñas e veciños da localidade de Gallamonde.

Neste proxecto, está prevista a instalación dun tramo de colector de 305 metros de lonxitude, elaborado con tubaxes de PVC de 250 mm de diámetro. Este colector proporcionará unha nova vía de saída para as augas residuais, contribuíndo á correcta xestión do saneamento e garantindo unha maior eficiencia no tratamento das augas.