A partir do mes de outubro, a Aula CeMIT da Guarda, localizada no primeiro andar do Centro Cultural, ofrecerá cinco novos cursos de habilidades dixitais. Estes cursos, de nivel básico e iniciación, están dispoñibles de balde e as inscricións xa están abertas.

Os cursos de outono 2023 na Aula CeMIT do Centro Cultural da Guarda comezarán o 2 de outubro e continuarán ata o mes de decembro. As cinco opcións de cursos ofertadas este outono son as seguintes:

1. Manexo do ordenador e internet
2. Editor de textos
3. Smartphone (Novidade deste outono)
4. Redes Sociais (Novidade deste outono)
5. Curso para cativos de entre 9 e 15 anos

Para obter máis información sobre estes cursos e realizar inscricións, pódese visitar o Centro Cultural de xeito presencial de luns a venres no horario de 17:00h a 20:00h ou chamar ao teléfono 986 61 18 50.

A Rede CeMIT da Xunta de Galicia promove a modernización e a inclusión tecnolóxica na comunidade. Os cursos ofrecidos na Aula CeMIT da Guarda contribúen a mellorar as habilidades dixitais das persoas e a promover a inclusión nas tecnoloxías da información e comunicación. O concello da Guarda mantén a aula CeMIT en funcionamento grazas ao apoio da Deputación de Pontevedra, a través da liña 3 do plan concellos, que promove o emprego e o desenvolvemento local.