VIGO
O BNG de Vigo denuncia a ocultación de preto de 100 expedientes de licenzas urbanísticas
A fronte nacionalista reiterou na Xerencia de Urbanismo a solicitude de acceso aos expedientes de licenzas que a suspensión automática freou e que agora o Goberno municipal, grazas ao acordo plenario de onte, poderá tramitar a partir do 16 de outubro inda que sexa incompatíbeis co novo PXOM
O Bloque Nacionalista Galego vén de reiterar no Consello da Xerencia Municipal de Urbanismo a solicitude de acceso a todos os expedientes das licenzas urbanísticas que non se tramitaron, pola suspensión automática que impón a lei durante a tramitación do novo PXOM, así como de todos os informes que emitiu o Secretario Xeral sobre estas licenzas. En total son preto de cen expedientes.
O portavoz municipal do BNG de Vigo, Xabier P. Igrexas, manifestou que o fan “despois de que o Goberno municipal insista en vulnerar os meus dereitos fundamentais como concelleiro ao non atender a solicitude que formalicei o pasado día 13 ao abeiro do Regulamento Orgánico do Pleno”.
Igrexas explicou que esta solicitude está motivada en que “queremos coñecer con todo detalle esas preto de 100 licenzas pendentes que en apenas 20 días, a partir do vindeiro día 16 de outubro, poderán tramitarse grazas ao acordo de ampliación de prazo para aprobación provisional do novo Plan Xeral, imposto no Pleno de onte pola maioría absoluta do PSOE”. “Licenzas que sabemos nalgúns casos afectan a ámbitos de especial protección ou de primeira liña de litoral e que non poderían outorgarse baixo ningún concepto co novo PXOM”, acrecenta.
Para as nacionalistas é claro que a opacidade responde a que “hai moito que esconder”. “O Goberno de Abel Caballero non quere que a cidade saiba quen se vai beneficiar desta nova porta de atrás para uns poucos, dentro do urbanismo á carta no que insiste unha e outra vez a concelleira María José Caride”, enfatizou o portavoz municipal nacionalista.
O Bloque Nacionalista Galego vén de reiterar no Consello da Xerencia Municipal de Urbanismo a solicitude de acceso a todos os expedientes das licenzas urbanísticas que non se tramitaron, pola suspensión automática que impón a lei durante a tramitación do novo PXOM, así como de todos os informes que emitiu o Secretario Xeral sobre estas licenzas. En total son preto de cen expedientes.
O portavoz municipal do BNG de Vigo, Xabier P. Igrexas, manifestou que o fan “despois de que o Goberno municipal insista en vulnerar os meus dereitos fundamentais como concelleiro ao non atender a solicitude que formalicei o pasado día 13 ao abeiro do Regulamento Orgánico do Pleno”.
Igrexas explicou que esta solicitude está motivada en que “queremos coñecer con todo detalle esas preto de 100 licenzas pendentes que en apenas 20 días, a partir do vindeiro día 16 de outubro, poderán tramitarse grazas ao acordo de ampliación de prazo para aprobación provisional do novo Plan Xeral, imposto no Pleno de onte pola maioría absoluta do PSOE”. “Licenzas que sabemos nalgúns casos afectan a ámbitos de especial protección ou de primeira liña de litoral e que non poderían outorgarse baixo ningún concepto co novo PXOM”, acrecenta.
Para as nacionalistas é claro que a opacidade responde a que “hai moito que esconder”. “O Goberno de Abel Caballero non quere que a cidade saiba quen se vai beneficiar desta nova porta de atrás para uns poucos, dentro do urbanismo á carta no que insiste unha e outra vez a concelleira María José Caride”, enfatizou o portavoz municipal nacionalista.
Normas de participación
Esta es la opinión de los lectores, no la de este medio.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
Normas de Participación
Política de privacidad
Por seguridad guardamos tu IP
216.73.216.40