A Deputación de Pontevedra acaba de aprobar achegas para setenta entidades de Vigo e outros dez concellos do sur da provincia que traballan no ámbito social, cun investimento que acada os 300.000 euros. Estas axudas, que recibirán colectivos radicados en Vigo, Crecente, Mos, Tui, A Guarda, Nigrán, Pazos de Borbén, Ponteareas, O Porriño, Redondela e Tomiño, servirán para financiar distintas actuacións que estes colectivos desenvolven para axudar a persoas en situación de desvantaxe ou vulnerabilidade social.

As contías destas achegas oscilan entre os 1.100 e os 5.723€ e permitirán a estes colectivos financiar, entre outras, actuacións de asistencia alimentaria e atención a familias en situación de risco, vivendas tuteladas, comedores sociais, clases de reforzo escolar, proxectos de integración para persoas xordas, de atención a persoas con problemas de saúde mental ou con enfermidades como a esclerose múltiple.  

A maior parte das entidades beneficiarias, un total de 54, levan a cabo a súa actividade en Vigo, onde recibirán financiamento da Deputación de Pontevedra Aldeas Infantiles SOS de Galicia de Vigo; Alento-Asociación de Daño Cerebral de Vigo; Apacaf; Asociación Nós Mesmas; Acción Solidaria Galicia (Asdegal); Asociación de Mulleres con Discapacidade Galicia; Diversidades; Asociación Gallega contra las Enfermedades Neuromusculares (ASEM Galicia); Asociación Gallega de Afectados por VIH/Sida; Asociación Gallega de Hemofilia; Asociación Autismo Vigo; Asociación Ayuda a Niños Oncológicos de Galicia; Asociación Centro Cultural Artístico e Recreativo Valladares; Asociación de Ayuda a la Vida (Ayuvi); Asociación de Padres Profesionales y Amigos de Personas con Discapacidad Intelectual Special Olympics Galicia; Asociación de Personas Sordas de Vigo; Asociación Dignidad Galicia; Doa Saúde Mental; Asociación Galega de Fibrose Quística; Asociación de Mulleres Pedra da Vella; Asociación Red Madre Pontevedra; Asociación Vida Digna; Asociación Viguesa de Esclerosis Múltiple de Pontevedra e a Asociación Xaruma.

Tamén contarán con subvencións a Asociación Juvenil Abertal; Asociación de Niños con Hiperactividad y Déficit de Atención (Anhida); a Asociación Párkinson de Vigo; a Asociación Asvidal; Aspanaex; Ategal; Bicos de Papel (Asociación de Axuda a Nenos Oncolóxicos Hospital Álvaro Cunqueiro); Emaús Fundación Social; Fademga Plena Inclusión Galicia; Fundación Integra para la Discapacidad Intelectual; Fundación Esplai Ciudadanía Comprometida; Fundación Aldaba; Fundación Amedis; Fundación Casa Caridad de Vigo; Fundación de la Santa Cruz; Fundación Faiben; Fundación Formavigo; Fundación Funditea; Fundación Igual Arte; Fundación Ingada; Fundación Juan Soñador; Fundación Menela; Fundación para la Pesca y el Marisqueo; Fundación Provincial Banco de Alimentos; Fundación Renal Íñigo Álvarez de Toledo; Grandes Amigos en Acción; Hogar y Clínica San Rafael; Instituto Galego de Xestión para o Terceiro Sector; Misión del Silencio e Sociedad San Vicente de Paúl. Todas elas situadas tamén na cidade de Vigo.

Por outra banda, no concello de Redondela beneficiaranse destas achegas tres entidades: a Asociación Andaina de Persoas con Diversidade Funcional; a Asociación de Enfermos de Artrite Pontevedra e a Asociación Lenda de Saúde Mental. Tamén reciben subvencións provinciais dúas entidades da Guarda, Avelaíña e San Xerome Emiliani; dúas de Ponteareas, a Asociación de Persoas con Discapacidade das Comarcas do Condado e A Paradanta e Dar Más; dúas en Tomiño, SOS Tomiño-Baixo Miño e a Asociación de Persoas con Discapacidade Vontade e dúas en Tui, a Asociación Galega de Residencias e Centros de Anciáns e a Congregación de Hermanas Franciscanas Hospitalarias.

Ademais, en Mos recibirá unha achega a Casa Santa María de la Esperanza Esclavas Virgen Dolorosa; en Nigrán, a Asociación Benéfica Social de Padres y Amigos la Esperanza del Valle Miñor; en Pazos de Borbén, a Asociación de Padres de Personas con Discapacidad Intelectual de Vigo (Aspavi); no Porriño, a Asociación de Apoyo a Personas con Diversidad Intelectual (ACEESCA) e, en Crecente, o Colegio Nuestra Señora de Fátima Esclavas de la Virgen Dolorosa.