O presidente da Asociación de Traballadores Autónomos (ATA) e vicepresidente da CEOE (Confederación Española de Organizacións Empresariais), Lorenzo Amor, expresou a súa preocupación polo pacto de investidura entre o PSOE e Esquerra Republicana de Cataluña nunha entrevista na Radio Galega. Amor alertou sobre as consecuencias deste acordo para a igualdade entre os españois e o contexto económico do país.

Amor subliñou a súa inquietude pola posible ruptura do principio de igualdade que consagra a Constitución española: "Estamos asistindo a unha poxa importante de moitos temas do Estado e que rompe esa unidade e rompe esa igualdade entre todos os españois".

Tamén cuestionou o acordo de coalición de Goberno entre o PSOE e Sumar, especialmente no que respecta á redución da xornada laboral sen redución salarial. Sostén que isto aumentaría os custos salariais en aproximadamente un 7%, o que, segundo el, podería ser inasumible para moitas empresas e autónomos.

Amor explicou a súa preocupación: "Formular isto neste momento é afogar a moitas empresas e autónomos. Uns poderán aguantar os empregos pero pense que outros, outro novo aumento de custos laborais non o van poder soportar".

Nesta situación de incertidume, Amor insta a que se manteña unha certa estabilidade política para non poñer en perigo a economía e o emprego.