Abel Caballero deu conta da remisión dun novo convenio por parte da Xunta para a construción do IES de Navia tal e como demandaba o goberno local, “con datas concretas e partidas orzamentarias”: “Xa podemos dicirlle a Navia que vai ter Instituto”, afirmou o rexedor, que adiantou que o Concello “asinará o convenio o antes posible”.

Caballero lembrou que leva reivindicando durante tres anos “que era imprescindible o convenio con prazos e inversións” para asegurar a súa construción no solo municipal. O alcalde lamentou a perda de tempo e que o goberno autonómico dixera durante este tempo que “non era necesario cando agora envían a proposta aceptando a nosa petición e posición”. “Poremos o solo a disposición da Xunta”, concluíu.