Dende o ano pasado, R está a lles ofrecer aos seus clientes con grande éxito a súa solución de ‘Internet rural’ 5G, (a través do mambo Axiña) para cubrir arredor de 300.000 inmobles que en Galicia, polas dificultades da orografía das súas contornas, non poden ter acceso á fibra óptica.

Este servizo innovador permite solucionar o problema da dispersión e da orografía en poboacións de zonas remotas e ofrecer aos/ás clientes/as Internet de alta velocidade, para que gocen tamén alí de todos os seus servizos cun elevado nivel de calidade.

Nos últimos meses, R ampliou a súa cobertura de alta velocidade con ‘Internet rural’ en 76 novos concellos, e así, os/as habitantes destas zonas nun total de 224 municipios galegos das catro provincias teñen xa accesos de alta velocidade e a posibilidade, por exemplo, de conectar diversos dispositivos á vez nos seus fogares e empresas, traballar de xeito remoto ou gozar dos seus contidos de televisión coa mellor calidade.

R, pioneira coa súa solución converxente 5G fixo e móbil en Galicia

O servizo ‘Internet rural’ fai de R o primeiro operador que dota dunha solución 5G converxente fixo e móbil a clientes/as sen fibra en Galicia. O obxectivo é levar esta proposta á maior parte de inmobles diseminados pola nosa xeografía en zonas de difícil acceso. Na actualidade, o 90 % da poboación galega dispón de cobertura 5G de R e está preparada para facer uso desta tecnoloxía avanzada de quinta xeración.

Coa ampliación do novo servizo de ‘Internet rural’ neses 76 novos municipios, un total de 224 concellos galegos dispoñen xa da solución de R, que lles permite aos seus habitantes navegaren a altas velocidades, como o fan en 1,7 millóns de fogares cubertos por R con fibra óptica de última xeración.

De feito, o operador galego leva 25 anos despregando fibra, rúa a rúa, no territorio, para dotar a comunidade das mellores infraestruturas de telecomunicacións e situala á vangarda europea e internacional en condicións de competir coas rexións máis avanzadas do mundo a calquera nivel.

Wifi 6 e 5G para minimizar a fenda dixital en Galicia

A nova solución de Internet rural de R fundaméntase, por unha banda, na tecnoloxía 5G, cun router que permite conseguir velocidades de ata 150 megas, e, pola outra, no sistema wifi 6, que facilita, por exemplo, unha experiencia multidispositivo excelente para conectar á vez distintos aparellos cunha latencia mínima, semellante á que terían cunha conexión de fibra (latencia=tempo que tarda en cargar unha páxina, en enviarse un correo electrónico ou en executarse unha acción nun videoxogo en liña).

Cando nos próximos meses R complete a extensión de ‘Internet rural’ en zonas de difícil acceso poderase dispor das vantaxes da alta velocidade e das novas tecnoloxías na práctica totalidade de Galicia, coa conseguinte redución da fenda dixital na comunidade.