Están  preto as vacacións escolares do Entroido e a concellería de Igualdade, que dirixe Carolina González,  aposta un ano máis por facilitarlle ás familias un recurso que lles permita conciliar a vida familiar e laboral. Tal e como explicou a edil con este campamento “non só se facilita a conciliación, tamén se ofrece aos rapaces e rapazas de entre 3 e 14 anos (ambos inclusive) un lugar onde compartir as súas inquedanzas, experiencias e habilidades ao tempo que se fomentan entre eles  valores de respecto, solidariedade, igualdade, a importancia da capacidade de escoita e de xestionar situacións de conflicto.”

Esta actividade de conciliación desenvolverase os  días 12, 13 e 14 de febreiro en instalacións municipais..
As inscricións poden presentarse de xeito telemático, a través da sede electrónica do Concello ou de xeito presencial no Rexistro do Concello de Porriño en horario de 9 h a 14 h de luns a venres.

O  prazo abrirase este venres 2 de febreiro  e rematará o xoves 8 ás 9 h de igual mes.

 As solicitudes poderán descargase na páxina web do Concello ou recollerse no primeiro andar. O aforo está limitado a 50 participantes que se seleccionarán, previa baremación e por orden de inscrición. Xunto coa publicación de admitidos e admitidas achegarase nota con información sobre o lugar exacto de entrega e recollida dos rapaces e rapazas así coma outros datos de interese.

Esta actividade forma parte do programa “Conciliación, corresponsabilidade doméstica e de impulso para acceder ao mercado laboral”, cofinanciado con procedentes do Ministerio de Igualdade no marco do Plan Corresponsables.