O Concello do Porriño ampliará o seu cadro de persoal con 17 novos/as traballadores/as grazas ao Plan +Provincia da Deputación de Pontevedra. A administración local recibirá unha subvención de 211.000 euros do ente provincial para a contratación de persoas desempregadas, aprobada recentemente na súa Xunta de Goberno.

Estas novas contratacións, que representan o 72,30 % do orzamento total, abranguerán diferentes áreas municipais, incluíndo peóns forestais, conserxes, peóns de obras públicas, analista de xestión, publicista, auxiliar de enfermería, oficiais de albanelería, soldador e carpintería.

O alcalde, Alejandro Lorenzo, destacou que estas novas incorporacións permitirán mellorar os servizos municipais e dar unha mellor resposta ás necesidades dos cidadáns. As persoas interesadas deben estar inscritas no Servizo Público de Emprego, que realizará a preselección dos candidatos.