Este mediodía, un incendio estalou nun baixo dunha vivenda situada no Camiño do Pazo, en Mos. O suceso foi controlado grazas á intervención rápida da Policía Local e da Garda Civil de Mos, os Bombeiros do Consorcio Provincial do Baixo Miño, os Voluntarios de Protección Civil e o Servizo municipal de Emerxencias de Mos.

Por agora, descoñécense os motivos que provocaron o lume, o cal foi extinguido tras a intervención destes equipos que desprazaron catro unidades ao lugar do sinistro. Non houbo feridos, pero o 061 tivo que trasladar a unha persoa con queimaduras leves na faciana. Houbo importantes danos materiais que están sendo avaliados.

As forzas de seguridade están a investigar as causas do incidente.