A Concellería de Cultura, que dirixe Bienvenido Estevez, vese na obriga de aprazar novamente a programación de Entroido prevista para esta fin de semana.

Ante as malas previsións meteorolóxicas dende o Concello, tal e como se acordou coas comparsas participantes, apraza o desfile e todos os actos incluídos na programación. A nova data anunciarase nos próximos días unha vez se coordine coas diferentes comparsas.