As instalacións que COGAMI ten en Vigo, no baixo do número 15 da rúa Teixugueiras, acollen un curso de Alfabetización Dixital, dirixido a rachar coa fenda dixital e a capacitar ás persoas con discapacidade no manexo das TIC.

Esta formación iniciouna un grupo formado por oito persoas, 2 homes e 6 mulleres, procedentes dos concellos de Vigo, Tui e Redondela, todas co certificado de discapacidade do 33% como mínimo, ou co certificado de  incapacidade laboral para profesión habitual.

As clases teñen unha duración total de 60 horas lectivas, sendo impartidas en horario de 9 a 15 horas e luns a venres. Nelas abordaranse diversos módulos sobre internet, procesador de textos e folla de cálculo, rematando a finais do mes de xuño.

Esta formación está financiada polo Ministerio de Educación e Formación Profesional y Deportes a través de COCEMFE (Confederación Española de Personas con Discapacidad Física y Orgánica), e da que COGAMI forma parte, e dentro das Actuacións dirixidas á atención de persoas con discapacidade adultas con NEE 2023-24.

Formacións como esta que imparte COGAMI teñen como obxectivo impulsar a inserción sociolaboral a través da adquisición de coñecementos e habilidades que favorezan a inserción ao mercado laboral. Todas as persoas que iniciaron o curso están apuntadas na bolsa de emprego de COGAMI.