As súas Maxestades os Reis Magos de Oriente acaban de chegar fai unas horas a Mos montados nos cabalos  pertencentes á mosense Asociación Deportiva Rutas a Cabalo.

Escoltados por axentes da Policía Local de Mos Melchor, Gaspar e Baltasar desfilaran hoxe pola avenida de Sanguiñeda na tradicional Cabalgata de Reis estrán acompañados de sete asociacións mosenses e tres rondallas. As agrupacións de diferente índole participantes son a Asociación de Nais e Pais de Alumnos/as do CEIP de Atín, o Círculo Recreativo e Cultural de Torroso, a Asociación de Veciños Santa Ana de Veigadaña, o Círculo Cultural Abrente, a Asociación de Veciños Nosa Terra de Pereiras, ASODIFISI (Asociación de Dimnuídos Físicos e Psíquicos de Mos) e a Asociación Recreativa Cultural de Guizán; e cada unha delas aporta unha carroza confeccionada por eles mesmos que desfilará na cabalgata xunto cos integrantes de cada un dos colectivos. Este ano o Belén Vivinte será representado polos membros do Círculo Cultural Abrente.

Axentes da Policía local de Mos e voluntarios de Portección Civil conforman un amplo dispositivo de seguridade para que todo descurra con normalidade. A Avenida de Sanguiñeda estará cortada ao tráfico durante o desfile, que comenza ás 18:00 h.