A osteopatía defende que a función orgánica está determinada pola estrutura. O que quere dicir que, ante unha lesión, perda de mobilidade ou bloqueo en ósos, articulacións, músculos, membranas ou órganos, a función do propio órgano se altera ou mesmo desaparece.

Aínda que a orixe da osteopatía adoita adxudicarse a Andrew Taylor Still, médico estadounidense de finais do século XIX e principios do XX, parece que existen algúns papiros datados do Exipto faraónico (5000 a.C) onde se observa a utilización de manipulacións articulares.

Quizais é algo intrínseco do ser humano, pero en calquera caso, tamén hai documentos que indican que, dende os romanos e gregos ata o século XIX con Still, pasando pola Idade Media e Renacemento, se viñeron utilizando técnicas "osteopáticas" que a máis dun soraprenderían polo seu parecido coas actuais. Non obstante isto non quita que Still fose unha peza importante no desenvolvemento e evolución destas.

Still defendía que a función orgánica estaba determinada pola estrutura. O que quere dicir que, ante unha lesión, perda de mobilidade ou bloqueo en ósos, articulacións, músculos, membranas ou órganos, a función do propio órgano se altera ou mesmo desaparece.

Sobre a base deste principio Still construíu varios piares ou leis: A estrutura goberna a función: Polo tanto corrixindo a primeira corrixiremos automaticamente a segunda; a unidade do corpo, homeostasia ou facultade que ten o corpo para encontrar o seu equilibrio; a autocuración ou facultade que ten o corpo para restablecer a saúde e a lei da arteria: Alí onde hai unha mala irrigación sanguínea instáurase a enfermidade.

Dende Still abríronse moitas correntes osteopáticas, pero a base de todas segue sendo realizar un bo diagnóstico e devolver o equilibrio a todas as estruturas afectadas. Para o primeiro existen multitude de probas nas que se ve o estado tanto xeral coma específico das estruturas.

Unha vez achada a lesión, o osteópata posúe tamén multitude de ferramentas sendo as manipulacións as máis utilizadas. Neste punto é importante resaltar que non todos os tratamentos son abordados con manipulacións, podendo utilizarse técnicas fasciales, miotensivas, funcionais, etc.