Hoxe un grupo de maiores mosenses participaron nunha excursión ó Museo Casa do Patrón dentro do  programa Tempo de Excursións que se organiza dende o Concello de Mos.

A actividade iniciouse cunha benvida consistente nun almorzo con pastas caseiras, a continuación visitaban ó Pazo de Mendoiro no que se celebrou a festa popular da Matanza do Porco, seguida dunha visita ás exposicións do Museo Casa do Patrón na que percorreron as 13 salas repartidas en tres edificios organizados por temáticas,  onde se poden observar dende antigas escolas ata hábitos da vida dos nosos ancestros.

Xa pola tarde, tras o xantar, visitaban a aldea, na que se coñeceron os muíños de río, fornos de leña, etc. Ademais, paras completar esta intensa xornada, realizaban unha visita ó Castro de Doade.