Os efectivos do parque de bombeiros de Ponteareas liberaron esta tarde a un condutor que quedou atrapado tras saírse da vía o turismo co que circulaba pola A-52, en dirección a Vigo. A dificultade para abrir as portas do vehículo, que quedaron bloqueadas a consecuencia do impacto, fixo necesaria a intervención dos bombeiros de Ponteareas.

Unha vez liberado, o ferido foi atendido polos servizos sanitarios de urxencia. Ás 13:30 horas de hoxe, un particular alertou ao persoal do CAE 112 Galicia, que, ademais do efectivos de rescate, pediu a colaboración de Urxencias Médicas, Garda Civil de Tráfico e do servizos de limpeza e mantemento do Ministerio de Fomento.