“Lagharteiras” presentou en Torroso o seu primeiro disco

O acto celebrouse onte pola tarde no Centro Dotacional de dita parroquia

[Img #17447] Onte o grupo de pandereteiras “Lagharteiras” presentou o seu primeiro disco no auditorio do Centro Dotacional do Medio Rural de Torroso ás 18.00 horas da tarde.

As “Lagharteiras” veñen de gravar e publicar o seu primeiro CD, o cal recolle unha parte importante de todo o traballo realizado dende a súa formación.

O grupo de pandereteiras “Lagharteiras” nace no ano 2007 co obxectivo de compilar, conservar e divulgar as músicas, cantos, instrumentos e vestiario tradicional galego. No ano 2010 o grupo constitúese como Asociación Cultural Folclórica “As Lagharteiras”, proseguindo á ampliación dos seus obxectivos, impartindo aulas de escola e fomentando e promovendo un futuro máis sólido no eido cultural no que traballan. É neste mesmo ano no que a asociación asenta o seu domicilio no Concello de Mos e pasa a formar parte do Rexistro de Asociacións de dito Concello. Dende ese momento establécese unha forte relación de apoio e colaboración.

As “Lagharteiras” son mulleres cunha ampla traxectoria no eido da música tradicional, que aúnan os seus coñecementos para afrontar un novo proxecto encamiñado a dignificar e dar o valor que lle é de seu ó patrimonio cultural galego.

O grupo ten como obxectivo principal afondar nas raíces da música e da cultura tradicionais galegas para extraer o legado cultural que durante séculos e xeracións foise transmitindo ata chegar ós nosos días, e cuxo obxectivo final vai encamiñado á divulgación dese traballo mantendo a autenticidade e orixinalidade das recollidas de campo que realizaron durante anos de investigación.

LAGHARTEIRAS

O grupo de pandereteiras “Lagharteiras” nace no ano 2007 en Vigo, co obxectivo de compilar, conservar e divulgar as músicas, cantos, instrumentos e vestiario tradicional galego.

Dende a súa orixe está composto por mulleres cunha ampla traxectoria no eido da música tradicional, que aúnan os seus coñecementos para afrontar un novo proxecto encamiñado a dignificar e dar o valor que lle é de seu ó noso patrimonio cultural.

O grupo ten como obxectivo principal afondar nas raíces da nosa música e da nosa cultura para extraer o legado cultural que durante séculos e xeracións foise transmitindo ata chegar ós nosos días, e cuxo obxectivo final vai encamiñado a divulgación dese traballo mantendo a autenticidade e orixinalidade das recollidas de campo que realizaron durante anos de investigación.

Destes anos de traballo de campo, xorde un amplo arquivo de música tradicional recuperado por gran parte da xeografía galega. O traballo de recuperación do grupo non só recolle a música de raíz, se non que abren un amplo apartado na recuperación de instrumentos e obxectos cos que se acompañaba o canto e o baile en Galicia.

Outro apartado a destacar e a procura da conservación do vestiario tradicional, o grupo trata de conservar e recuperar roupa antiga, así como tamén empregar para as pezas de nova adquisición tecidos o máis semellantes ós que empregaban os nosos ancestros, como é o pano, o picote...

No ano 2010 o grupo constitúese como Asociación Cultural Folclórica “As Lagharteiras”, proseguindo á ampliación dos seus obxectivos, impartindo aulas de escola e fomentando e promovendo un futuro máis sólido no eido cultural no que traballan. É neste mesmo ano no que a asociación asenta o seu domicilio no Concello de Mos e pasa a formar parte do Rexistro de Asociación de dito Concello. Dende ese momento establécese unha forte relación de apoio e colaboración.

Sitúanse coma un dos grupos de pandereteiras de maior prestixio e recoñecemento da nosa comunidade. Actualmente son arredor dunha vintena de premios os que avalan tanto a súa traxectoria no mundo da música como a súa laboura de recolleita e conservación do patrimonio musical galego, destacando: