Debido ao empeoramento das condicións nas que se recibe a auga do río Miño e aos traballos de renovación dunha das liñas de tratamento da planta potabilizadora (ETAP das Chans), incrementáronse os valores de turbidez da auga distribuída ata superar as 5 NTU, feito que foi posto en coñecemento da Autoridade Sanitaria a cal determinou a súa restrición como auga de bebida.

A empresa xestora do servizo informa, non obstante, que a auga non presenta ningún tipo de risco para a poboación e os usuarios poderán seguir facendo uso diario dela agás como auga de bebida.

O Consorcio continúa traballando na finalización da posta a punto da ETAP de Tui e espera rebaixar a turbidez aos valores normais nos próximos días, momento en que se comunicará este feito aos usuarios.