A Aula UNED de Tui acollerá do 26 de febreiro ao 7 de maio un curso que afondará no diagnóstico e intervención de nenos e adolescentes con déficit de atención e hiperactividade. O curso terá unha carga lectiva de 20 horas e un prezo de 40 euros.

Nos últimos anos, cada vez máis nenos e adolescentes son etiquetados baixo o diagnóstico de Síndrome de Déficit de Atención con Hiperactividade. Existe con frecuencia confusión acerca do devandito trastorno, xa que en moitas ocasións os menores son diagnosticados erroneamente, cando en realidade a súa sintomatoloxía responde a outro trastorno ou a necesidades de apoio educativo distintas.

Por iso, este curso pretende ofrecer a pais, nais e educadores unha comprensión clara do TDAH, evitando que poida ser confundido con outros trastornos, coñecer as súas repercusións e dotar familias e docentes de ferramentas para recoñecer e achegarse axeitadamente aos nenos/ás con TDAH.

A actividade que se desenvolverá presencialmente na Aula Universitaria todos os xoves de 17 h a 19 h, comezará o 26 de febreiro e finalizará o 7 de maio.

Todas aquelas persoas interesadas poderán inscribirse a través da páxina web da UNED-Pontevedra (http://www. unedpontevedra.com), chamando por teléfono ao 986851850 ou dirixíndose ás instalacións da Aula UNED de Tui (C/Antero Rubín s/n-Antiguo Convento de Santo Domingo).