Este martes de Entroido, as rúas de Ponteareas volverán encherse de colorido co desfile de comparsas que, coma onte domingo, desfilaron polas rúas con máis de 600 participantes. Así a partir das oito da tarde, partirán do colexio Virxe dos Remedios facendo o percorrido polo centro para rematar na Praza Maior, onde se fará a entrega de premios ás mellores comparsas: cun premio de 500 euros para a gañadora; 300 euros para o  2º premio; un 3º premio de 200 euros e  4º premio de 100 euros. Tamén haberá un premio especial de 300 euros á mellor comparsa en representación das parroquias  de Ponteareas. Tras o remate, o concello ofrecerá unha gran chocolatada.