Un accidente entre tres vehículos deixou tres feridos leves e un ferido de gravidade na N-120, ao seu paso por Ponteareas, segundo informou a Policía Local do concello. Un particular alertou ao CAE 112 Galicia da colisión, que se produciu esta tarde ao redor das 17:00 horas, e da dificultade que tiña un dos ocupantes dun dos vehículos para saír. De inmediato, pasouse aviso aos Bombeiros de Ponteareas, que tiveron que excarcerar a dúas persoas que, posteriormente, foron atendidas por Urxencias Médicas. Pola contra, outra das ocupantes dun dos vehículos sinistrados puido saír polos seus propios medios. O persoal do 112 Galicia pasou aviso, tamén, á Garda Civil de Tráfico e a Protección Civil de Ponteareas.