Dous vehículos colidiron esta tarde na estrada PO-510, á altura do termo municipal de O Porriño, e deixaron dúas persoas feridas. Os efectivos do parque comarcal confirmaron que, ademais, ardera o motor dun dos vehículos sinistrados. Os servizos sanitarios de urxencia evacuaron aos dous feridos ao Hospital Perpetuo Socorro de Vigo, logo de que o particular que alertou ao CAE 112 Galicia do accidente indicara que un dos condutores atopábase mal e precisaba unha ambulancia. De inmediato, o persoal do Centro de Atención ás Emerxencias de Galicia pasou aviso a Urxencias Médicas, así como aos Bombeiros e Protección Civil de Porriño. O suceso tivo lugar ao redor das 14:30 horas desta tarde.