Unha colisión entre unha moto e un vehículo saldouse co motorista ferido de gravidade, segundo afirmou o particular que alertou ao CAE 112 Galicia ao redor das 19:00 horas desta tarde. O accidente tivo lugar no concello pontevedrés de Silleda, no lugar de O Castro, concretamente, na ponte sobre a AP-53. O persoal do Centro de Atención ás Emerxencias de Galicia pasou aviso, de seguido, a Urxencias Médicas e Garda Civil de Tráfico de Pontevedra.