O BNG de Ponteareas denuncia a desidia do goberno local do Partido Popular polo abandono dos aparcamentos de terra que están convertidos nunha auténtica lameira e cheos de buratos como pasa co situado entre as rúas Rosalía de Castro e Alexandre Bóveda

Os nacionalistas culpan desta situación ao Alcalde, González Solla, e aos concelleiros de Vías e Obras, Alberto Novoa e de Comercio, Marisol Valado como responsables deste lamentable estado e esíxenlle que de forma urxente adecenten os aparcamentos para evitar máis dano e prexuízos ao comercio e aos veciños en xeral, “a situación dos aparcamentos é lamentable e perigosa”, indicaron os nacionalistas. “Hai unha capa de lameira que chega a rúa Alexandre Bóveda e afecta incluso ás entradas dos edificios, dando unha penosa imaxe de abandono e incompetencia”