Dende a concellería de Medio Ambiente mosense que dirixe a edil Julia Loureiro organízase unha excursión ao complexo medioambiental de Sogama en Cerceda (A Coruña).

Trátase dunha viaxe programada para o vindeiro 31 de marzo e dirixida a toda a poboación do concello de Mos a partires de 9 anos de idade.

Sobre esta iniciativa a concelleira Loureiro declarou que “vendo a importancia da reciclaxe dos residuos e a correcta separación dos mesmos, decidimos levar a cabo esta excursión”.

O prazo de inscrición nesta actividade abrirase o vindeiro luns, día 9 de marzo, e rematará o 16 de marzo. Para inscribirse os interesados deberán cumprimentar a solicitud e presentala acompañada dunha fotocopia do seu DNI.

Para calquer duda ou aclaración pódese contactar co departamento municipal de Medio Ambiente a través do teléfono 986 09 70 37.

A excursión incluirá, ademais da visita ó Complexo Medioambiental de Sogama, un xantar no restaurante Avelino e posterior visita ó Museo do Moucho. O único custo para os interesados en participar nesta viaxe sería o pago de 12 euros do xantar.