Os servizos sanitarios de urxencia trasladaron esta mañá a un motorista que resultou ferido tras sufrir un accidente co vehículo que conducía. Ocorreu preto das 7:40 horas de hoxe na N-120, en sentido Vigo. Os particulares que alertaron ao 112 Galicia aseguraron que o condutor se atopaba inconsciente. De seguido, o persoal do Centro de Atención ás Emerxencias de Galicia solicitou a intervención de Urxencias Médicas, Garda Civil de Tráfico e Policía Local.