Miguel Anxo Aldea Moscoso, Portavoz do Grupo Municipal do BNG de Mos, pide ante “a velocidade dos vehículos que circulan pola zona do acceso ao Centro Dotacional de Torroso,que é elevada en moitos casos” se tomen medidas neste vial que pertence á Deputación de Pontevedra.

Así ven de solicitar “un paso de peóns elevado que una o remate das escaleiras que baixan do antigo centro; actuacións para reducir a velocidade dos vehículos, tales como un semáforo que a limite: urbanizar o vial que vai desde o Centro Dotacional ate o alto de Barreiros e a mellora na seguridade para os vehículos que entran e saen do cento, xa que a visibilidade non é a máis adecuada” asegura.

Aldea Moscoso  afirma que “a seguridade é responsabilidade de todas as institucións. Por todo eso, dende o BNG presentamos unha moción no pleno deste mes para que se deixen de palabras e que dunha vez se tomen as medidas que se solicitan na nosa moción”.