A Deputación de Pontevedra aprobou a concesión de 170.000 euros ao Concello de Tomiño para ampliación e reforma do Auditorio de Goián, na súa cuarta fase.

O Auditorio de Goián sitúase na parroquia do mesmo nome, nunha zona destinada a equipamentos que fai esquina entre os viais da avenida do Brasil e a avenida Pío Troncoso. Sobre a mesma parcela está construido o pavillón de deportes e o Auditorio.

A obra, para a que a Deputación acaba de conceder 170.000 euros, tratará de acondicionar o edificio Auditorio como centro docente de ensinanzas artísticas elmentais de música.

O Concello elaborou o proxecto da primeira fase en 2013, que adxudicou a Hidromiño SL e está a piques de rematar. No ano seguinte, a empresa Alvama Goianesa resultou adxudicataria da segunda fase, nunhas obras que hoxe se atopan en execución.

Neste ano 2015, o Concello elaborou o proxecto para desenvolver a cuarta fase da obra que é para a que a Deputación aporta 170.000 euros. Esta fase consiste en prolongar o volume iniciado na fase I cos aseos, enchendo asi o valeiro entre o Auditorio e o pavillón, co cal se consigue unificar os dous equipamentos, tanto o pavillón coma o auditorio.

No proxecto aprobado, crearáse un novo acceso ao escenario, dotaráse duns camerinos a cota do escenario; crearáse unha antesala do esceario; e xeneraráse un corredor que comunique o novo volume co Auditorio.