Con motivo do 20 aniversario da Ponte Internacional Salvaterra de Miño – Monçao o próximo 28 de marzo firmarase o protocolo de irmandamento entre estes dous Concellos, na explanada da Ponte Internacional en Monçao.

Este mesmo día descubrirase una placa conmemorativa co nome da Ponte Internacional, seguida da firma do protocolo de irmandamento e actuacións de grupos tradicionais de ambos Concellos.

 A placa que se descubrirá bautizará co nome  de Ponte Internacional Joâo Verde e Amador Saavedra. Salvaterra de Miño e Monçao son dúas Vilas irmáns, unidas por sentimento, por historia, por cultura, por un pobo, e separadas ao mesmo tempo polo Pai Miño que xoga coas dúas beiras, que une e separa, que da identidade e forza a dous pobos. Estes dous escritores, un portugués e outro español, plasmaron cos seus poemas ese sentimento, esta circunstancia, a través dos seus versos, que cobran se cabe agora mais forza que nunca. Agora que os dous Concellos van unidos da mán en prol da Eurocidade, para potenciar eses valores, ese patrimonio e esa identidade única que os une.