As medidas propostas para incorporación ó informe técnico municipal incluirían actuacións na rotonda de enlace da AP-9 coa A-55 en ámbolos dous sentidos e que o mesmo tempo e a saída o núcleo de Puxeiros, e a incorporación a A-55 dos veciños do noroeste do Concello de Mos. Esta actuación pese a ser no concello de Vigo, afecta na súa mais grande parte ós veciños de Mos, e non estaba contemplada inicialmente.

Tamén se propón unha actuación na rotonda da saída a avenida de Sanguiñeda, onde se propón a regulación do transito de peatóns con pasos de cebra e beirarrúas útiles.

Na saída de Cerqueirás, propoñen unha mellora e acondicionamento, agora mesmo de reducidas dimensións e a construción de unha rotonda peraltada no cruce de Cerqueirás no que conflúen ca mencionada saída, mais de cinco viais locais.

Na incorporación da rotonda do Costilleta a A-55 dirección Vigo, que o mesmo tempo é saída a A-52 dirección Ourense en menos de 50 metros, solicitan a ampliación dos tramos de aceleración e deceleración que conflúen no mesmo tramo na actualidade.

Finalmente, propoñen unha actuación mais significativa na curva dos “Molino”s, eliminándoa na súa totalidade a expensas do proxecto da nova autovía soterrada anunciada pola ministra na visita a Mos, unha vez anulado o proxecto anterior.

“As medidas propostas complementan as xa aportadas, e foron plantexadas xa ós outros grupos para garantir o consenso e a unidade na defensa dos intereses dos veciños de Mos e non a de intereses partidistas nin electoralistas”, afirmou o portavoz socialista Alfonso Parada “esperamos expectantes que os proxectos que acordamos se plasmen no asfalto de Mos en menos de seis meses como indicou a ministra”