Unha persoa resultou ferida tras saírse da vía o vehículo no que viaxaba cando circulaba pola A-55 ao paso polo concello pontevedrés de Mos, no punto quilométrico 13. Un particular alertou ao CAE 112 Galicia ao redor das 8:00 horas desta mañá e advertiu dunha mancha de gasóleo no mesmo lugar onde se producira o accidente. O 112 Galicia informou a Urxencias Médicas e aos axentes da Garda Civil de Tráfico, que confirmaron a existencia do verquido. Esta foi a causa pola que varios vehículos –case á mesma hora- tamén se saíron da vía á altura do punto quilométrico 15, en O Porriño, aínda que, neste caso, non houbo que lamentar danos persoais.

Ademais, o 112 Galicia solicitou a intervención dos Bombeiros de Baixo Miño e de Protección Civil de Mos e de Porriño. Tamén foi informado o persoal do servizo de mantemento da estrada que, nestes momentos, se encarga das labores de limpeza da vía.