A iniciativa deste festexo partiu da Comisión de Festas de hai dous anos, a presente comisión dalle continuidade a esta cita gastronómica marcada no calendario para o domingo, 12 de abril a partires das 11 da mañá na área recreativa do Borralliño (Soutelo).

O prezo da ración de angula será de 33 €, pero se se merca de xeito anticipado o prezo será de 28 €, inclúe pan e viño. Ademáis a oferta completarase con venta de callos, empanada e xamón asado.

Unha concentración de coches clásicos  acudirá a esta xornada gastronómica, é será outro dos atractivo  cos que contará esta festa. Farán un percorrido pola vila de Salceda para rematar no parking pechado situado no Borralliño, onde o público asistente poderá contemplar estas auténticas xoias.

Na presentación do evento os membros da comisión de festas destacaron a especial importancia que ten a angula, ou tamén chamado meixón, nesta parroquia salcedense, que conta cos máis importantes viveiros de angulas da zona. Quixeron deixar de manifesto que esta festa non sería posible sin a colaboración dos Viveiros de Soutelo, a Comunidade de Montes, casas comerciais e o Concello de Salceda de Caselas.

Convidan a todos e a todas a participar nesta xornada, unha estupenda maneira de pasar un domingo en familia e disfrutar dun auténtico manxar, a angula.