Os servizos sanitarios de urxencia enviaron onte unha UVI móbil á Rúa Moaña, en Vigo, para atender a un home que sufriu queimaduras na cara cando trataba de apagar un incendio no seu coche. Segundo relatou o propio afectado, posiblemente, o lume foi provocado por un líquido desinfectante que aplicou mentres cambiaba un filtro do motor. Para sufocar as lapas, utilizou un extintor. Igualmente, o persoal do CAE 112 Galicia solicitou a intervención dos Bombeiros da cidade. Tamén pediu a colaboración de Urxencias Médicas, Policía Local e Protección Civil de Vigo. Foi o ferido quen contactou co 112 Galicia para pedir axuda. Faltaban apenas dez minutos para as nove da noite de onte.