Os membros da tripulación do pesqueiro “Novo Monte” localizaron esta tarde o corpo dun home flotando na auga. Segundo o relato dos mariñeiros, o cadáver foi avistado nas proximidades de Porto Meloxo, no municipio pontevedrés do Grove.

Pola súa banda, a Garda Civil mantén aberta unha investigación sobre o suceso, aínda que todo parece indicar que se trata dunha persoa desaparecida da provincia de Lugo. Os axentes de Protección Civil do Grove informaron ao persoal do CAE 112 Galicia cando faltaban apenas tres minutos para as dúas desta tarde. A partir de ahí, dende o Centro de Atención ás Emerxencias 112 Galicia se pasou aviso a Salvamento Marítimo e Garda Civil, que xa tiña a disposición unha embarcación para recoller o cadáver e trasladalo a porto.