Os nacionalistas do Porriño califican de “triunfais”, os datos do desemprego rexistrado no Porriño no mes de marzo, e dados a coñecer recentemente que contabilizan 51 porriñeses e porriñesas menos anotadas nas oficinas do Servizo Galego de Colocación.

Para o BNG “o PP debera evitar tanto triunfalismo e ter máis respecto polas 2.329 veciños que se manteñen en situación de desemprego. Máxime cando 30 das 51 insercións laborais producidas este mes débense aos contratos que aprobou a Deputación para o Concello do Porriño. Contratos por horas, mal remunerados e temporais. Unha medida puramente electoralista, que para nada soluciona a problemática do emprego e coa que o PP pretende gañar vontades políticas entre as persoas máis castigadas pola crise” aseguran dende o BNG.

Desde o Bloque tamén denuncian “o incremento das persoas contratadas de forma precaria e a baixo custo no concello”.