O xurado da VI edición de “Deseña unha xoia para túa nai” xa elixiu os oitenta finalistas que este ano optan ao premio que convoca o Colexio Oficial de Xoiaría de Galicia. Case  trinta dos finalistas son da provicia de Pontevedra, e oito en concreto de Ponteareas.

Teñen entre 4 e 9 anos e, xunto cos outros finalistas, destacaron entre os máis de 8.000 nenos e nenas de toda Galicia que este ano enviaron as súas propostas a “Deseña unha xoia para túa nai” para demostrar a súa creatividade deseñando o regalo do Día da Nai. Nun difícil proceso de decisión, o xurado, composto por profesionais da xoiaría, a educación, a prensa e o mundo do arte, seleccionou 20 finalistas para cada unha das categorías do concurso (ata catro anos, de 5 a 7, de 8 a 10 e de 10 a 12).

Para esta selección, valorouse a creatividade do autor segundo a súa idade, a súa capacidade para representar a peza no deseño e a viabilidade para executalo.

Dúas xoieirías de Marín serán tamén as encargadas de converter os deseños gañadores en xoias reais que se entregarán aos premiados o venres 24 de abril no CGAC. OÁngel Fariña e Joyería Rosant, son algúns dos que estos días están traballando para transformar os debuxos dos nenos en aneis, colgantes, pendentes ou broches.