Un home foi atropelado esta tarde por un tractor e, a causa do accidente, faleceu. O varón quedou atrapado baixo a máquina agrícola, mentres esta realizaba tarefas nunha finca, polo que os Bombeiros de Ponteareas tiveron que excarcerar o cadáver.

Un particular alertou ao 112 Galicia ás 16:50 horas de hoxe e, de seguido, pasouse o aviso a Urxencias Médicas, que acudiron ao punto cunha ambulancia e só puideron certificar o falecemento do home. Os axentes da Garda Civil tamén foron informados, ademais dos efectivos do parque comarcal. O suceso ocorreu no lugar de Carracedo, parroquia de Valeixe, no concello pontevedrés de A Cañiza.