O grupo de doutores que forma o blog 'Falando de Homeopatía' desenvolveu, con motivo do Día Mundial da Homeopatía, que se celebrou o pasado 10 de abril coincidindo co 260 aniversario do nacemento do Dr. Hahnemann, fundador da homeopatía, un manifesto no que recollen as 10 razóns polas que confían na Homeopatía como unha ferramenta para tratar aos seus pacientes con eficacia e seguridade. Este colectivo ten un afán divulgativo e desenvolve unha iniciativa pioneira, a primeira comunidade dixital en castelán sobre homeopatía. A través desta plataforma, comparten con profesionais e pacientes as súas reflexións, inquietudes e vivencias sobre o coidado da saúde e o benestar.

O manifesto recolle dun xeito conciso e sinxelo os motivos principais polos que estes médicos incorporaron a homeopatía á súa práctica diaria. Os doutores que desenvolveron este documento son: Dr. Guillermo Basauri, médico, especialista en homeopatía e profesor do Centro de Ensino e Desenvolvemento da Homeopatía (CEDH); Dr. Gualberto Díaz, Médico, especialista en Medicina Familiar e Comunitaria ademais de Especialista Universitario en Homeopatía, tamén profesor do CEDH e Director Médico de Laboratorios Boiron; Dr. Gonzalo Fernández-Quiroga, médico especialista en homeopatía e Director Académico do Máster de Medicina Homeopática da UB-AMHB (Universidade de Barcelona-Academia Médico Homeopática de Barcelona); Dr. Jorge Manresa, médico, pediatra, Especialista Universitario en Homeopatía e profesor do CEDH; e Dr. José Ignacio Torres, médico de familia, Especialista Universitario en Homeopatía e profesor do CEDH.

Dez razóns
1. Permítenos volver a unha medicina humanista. A homeopatía ofrece unha aproximación humanista ao paciente, vai situar a persoa no centro, vaina mirar de forma global e personalizada.

2. Dálle o protagonismo ao paciente. Para o médico homeópata o paciente é dobremente protagonista, porque como decisor razoado, elixe como quere tratarse e participa de xeito natural no proceso de curación. Os medicamentos homeopáticos van potenciar a capacidade do organismo para reaccionar e recuperar o equilibrio.
3. É unha medicina eficaz. O principal motivo de abandono dos medicamentos homeopáticos que declaran os usuarios é que desapareceu a causa que motivou a súa toma. E de feito, segundo o I Estudo sobre Coñecemento e Uso da Homeopatía, o 87% dos usuarios recomendaría a utilización de homeopatía aos seus familiares e amigos.

4. Son medicamentos seguros. Os medicamentos homeopáticos presentan un perfil de seguridade moi alto, xa que en xeral non producen efectos adversos relevantes, polo que se poden administrar a todo tipo de pacientes, en particular a embarazadas e nenos. Ademais, a integración da homeopatía nas consultas permite a redución da utilización de antiinflamatorios, psicotrópicos e antibióticos.

5. Cada día o seu uso é máis frecuente en España. Máis de 15.000.000 de españois utilizaron medicamentos homeopáticos. Cada vez é máis frecuente que os pacientes reclamen o seu dereito a opinar e ser tratados conforme ás súas preferencias con todas aquelas ferramentas terapéuticas que poidan axudarlles a aliviar ou curar os seus problemas de saúde cun enfoque integrativo. De feito, ao 74% dos entrevistados no I Estudo de coñecemento e uso da homeopatía gustaríalles recibir asesoramento por parte do seu médico sobre medicamentos homeopáticos.

6. Cada vez recéitana máis médicos especialistas. En España máis de 10.000 médicos prescriben de xeito habitual ou ocasional medicamentos homeopáticos.

7. O interese por estudar e coñecer a homeopatía é cada vez maior nos médicos, farmacéuticos e veterinarios en España. Xa hai máis de 2.600 médicos especialistas en Homeopatía e esta cifra crece cada ano.

8. O seu emprego está moi estendido. No mundo, a homeopatía utilízase na actualidade en máis de 80 países, con máis de 300 millóns de pacientes e ao redor de 248.400 médicos que a prescriben nas súas consultas.
9. As súas indicacións son múltiples. Os medicamentos homeopáticos pódense utilizar para un amplo abano de afeccións diferentes, xa sexan como tratamento exclusivo ou  complementario, en función do paciente. Non se trata de elixir un tipo de medicamentos ou o outro. Trátase de poder ofrecer o tratamento máis axeitado a cada caso que, moitas veces, será unha combinación de varios tratamentos.

10. Só véndense nas farmacias. Os medicamentos homeopáticos están regulados como medicamentos en Europa e en España, e polo tanto, son de venda exclusiva en farmacias, cumprindo coas mesmas esixencias de control de fabricación que o resto de medicamentos.