O vindeiro día 10 de maio, domingo, celebrarase a novena edición da Marcha BTT Concello de Mos, con saída do Pavillón Óscar Pereiro ás 09.30 horas da mañá.

A clasificación do tipo de proba é de dureza media-alta e ten unha lonxitude duns 30 kilómetros de percorrido.

A novidade deste ano é que se fará un sorteo dun cheque regalo por valor de 400 euros, ademais dos agasallos habituais que se viñan repartindo nas edicións previas.

Os interesados en participar neste encontro deportivo poden inscribirse dende xa anticipadamente facendo o correspondente ingreso no número de conta 0075 0121 67 0701201514 nas entidades Banco Popular, Banco Pastor e Targo Bank ata o día 7 de maio.