O Partido Popular de Salceda de Caselas ven de informar a través dun comunicado de prensa que ten programados para os vindeiros días mitins en todas as parroquias. Así os máis próximos son hoxe martes, día 12, na Picoña ás 22.15 horas; mércores, día 13, na Feira ás 22.15 horas; xoves, día 14, en Barreiro ás 22.00 horas e o venres, día 15, en Entenza ás 22.00 horas.

Os centros culturais de cada unha das parroquias serán os escenarios destas xuntanzas abertas a todos os veciños nas que o candidato á Alcaldía Santiago Rodríguez Davila e as persoas que integran a lista do PP exporán o seu “programa e proxecto de futuro para Salceda e os salcedenses”.